Izet Haxhia, i njohur si ish-truprojë i Sali Berishës është vetëdorëzuar në policinë turke.
Lajmin e konfirmon vetë ai përmes një statusi në rrjetet sociale.
“Meqe nuk erdhen të më marrin, u dorëzova vetë në policinë turke”, shkruan Haxhia.
Haxhia është një prej personave të akuzuar për vrasjen e Azem Hajdarit. Prej vitesh ai ka qenë në kërkim nga drejtësia shqiptare.
Pak kohë më parë një gjykatë turke vendosi pro ekstradimit të tij. Ai ka paralajmëruar se do nxjerrë të dhëna të reja kur të merret në pyetje nga drejtësia shqiptare./a.m.
