Ish-truproja i Sali Berishës Izet Haxhia ka dorëzuar sot kërkesën për rigjykim në gjykatën e Tiranës. Haxhia është dënuar me 25 vjet në mungesë, si bashkëpunëtor në vrasjen e deputetit demokrat Azem Hajdari, krim i ndodhur në vitin 1998. Kërkesa e tij u depozitua në gjykatën penale të Tiranës. Report TV mëson detajet e këkesës së Izet Haxhisë.
Në këtë kërkesë Haxhia shkruan: “Dua te rigjykohem, pasi procesi ndaj meje ka qenë i padrejtë dhe në mungesë”. Kërkesa e Haxhisë do te hidhet në short nga gjykata. Shqyrtimi kërkesës do të bëhet brenda 1 jave dhe më pas do të caktohen seancat. Në këtë mënyrë Haxhia rihap dosjen “Hajdari”, që konsiderohet edhe si krimi i shekullit në Shqipëri. Haxhia u ekstradua nga Turqia rreth një javë më parë, pasi i’u vetëdorëzua autoriteteve turke, me qëllim rikthimin e tij në Shqipëri dhe rigjykimin e çështjes “Hajdari”.
ma.me
