Paneli i gjyqtarëve ndërkombëtarë në Gjykatën Themelore në Mitrovicë, ka vendosur që Oliver Ivanoviç nga tani e tutje të mbahet në arrest shtëpiak. Lajmi është konfirmuar nga avokati i tij, Nebojsha Vlajiç. Ivanoviçit i është caktuar masa e arrestit shtëpiak prej dy muajve. “Ivanoviç është liruar nga paraburgimi. Ai ka qenë në arrest shtëpiak pasi është liruar nga spitali në Mitrovicë ku mbahej”, ka thënë avokati për agjencinë e lajmeve BETA.
Sipas tij, Ivanoviç vendimin e gjykatës do ta presë gjersa mbahet nën arrest shtëpiak.
