Vrasja e liderit të serbëve të Kosovës, Oliver Ivanoviç ka ngjallur reagime të mëdha edhe në rrjetet sociale. Kështu, shumë qytetarë kanë shkruar edhe në faqen e ‘Facebook’-ut të kryeministrit Edi Rama.
Pas statusit që ky i fundit ka shkruar lidhur me ngjarjen, se: “Keqardhje e thellë për tragjedinë e Oliver Ivanovic; akt qëllimkeq që nxit urrejtje e tension. Përpjekjet për dialogun e paqen s’duhen ndalur! Duhen thelluar!”, lumë komentesh nisën në adresë të tij.
Mes këtyre komenteve spikat ai i një qytetari i cili shkruan se kujt i duhet dialogu me Serbinë, duke shtuar se ata bëjnë presion. Por e menjëhershme ka qenë edhe përgjigja e kryeministrit, i cili teksa ka vëzhguar profilin e qytetarit, i këshillon këtij të fundit të peshkojë.
