I dënuari për krime lufte ndaj civilëve shqiptarë në vitin 1999 dhe 2000, i cili po e vuan dënimin me 9 vjet burg në Mitrovicën veriore, Oliver Ivanoviç, edhe nga burgu vazhdon të merret me politikë.
Ai ka thënë se serbët duhet të fillojnë për të formuar Asociacionin e Komunave Serbe sepse rezistenca e shqiptarëve ndaj tij do të zbehet vetëm në momentin kur ta kuptojnë se AKS do të formohet me ta ose pa ta.
Ivanoviç, përmes një letre që e ka bërë publike rts, ka vlerësuar se “është e qartë se Prishtina do të zvarrisë formimin e AKS-së pasi pushteti e ka kuptuar se opozita njërën nga temat kryesore e ka kundërshtimin e formimit të Asociacionit, transmeton Koha.net.
“Mendoj se nuk duhet pritur vullnetin e Prishtinës, sepse ky vullnet nuk do të jetë. Prishtina gjithmonë do ta kushtëzojë formimin e AKS-së”, ka thënë Ivanovic duke shtuar se “nga Serbia do të kërkohen edhe koncesione të tjera duke mos marrë para sysh se koncesionet u bënë në momentin kur u zhvilluan bisedat për AKS-në” . (b.an)
