Këngëtarja Elvana Gjata, për të cilën thuhej se ishte pretendentja kryesore për të fituar Festivalin e Këngës në RTSH, por që u rendit e dyta, ka vendosur të flasë.
Ndërsa kritikë të shumtë thanë se Elvanës, “iu hoq fitorja nga duart” në minutat e fundit, ajo nuk e fsheh zhgënjimin e saj.
Por nga ana tjetër këngëtarja nuk fsheh lumturinë që kënga “Me tana”, u kthye në hit dhe u pëlqye gjerësisht, ndonëse fituese u shpall Arilena Ara.
Reagimi i Elvanës
“Refuzoj të flas në këto raste, por më duhet ta bëj…
Arilena… nuk është faji yt dhe të uroj me gjithë zemër vetëm sukses! Dua të falenderoj të gjithë shqiptarët kudo që ndodhen por dhe fansat e rinj Europianë për dashurinë, mbështetjen që më keni dhënë që ditën që ‘Me tana’ doli!
I kam parë të gjitha sondazhet e ju kam parë të këndoni e kërceni këngën me sytë e mi çdo ditë, e ju pashë dhe në sallë me duart lart!
Ju kam dëgjuar kur thërrisni emrin tim plot zjarr në festivale në Diasporë dhe në Prishtinë, e dëgjova dhe dje (të dielën) në Tiranë si kurrë më parë në jetën time! Zemra plot!
Kam punuar fort e do punoj deri sa të kem frymë! Puna s’më ka hedhur poshtë kurrë, as balta e helmi, me apo pa porosi!
Faleminderit jurisë europiane për vlerësimin maksimal. U gëzova shumë!
Dashni më fal as 2 pikëshi Mikaelës s’mundet me ma ndal! Pranojeni jetën ME TANA.
Gëzojeni jeten ME TANA. Mezi pres projektet e reja”.
