Policia e Elbasanit ka arrestuar djalin e vogël të Azem Hajdarit, i cili mban të njëjtin emër me babanë e ndjerë.
Në prangat e bluve ka përfunduar edhe shoku i tij 21-vjeçar, që udhëtonin bashkë në të njëjtën makinë, ku policia gjatë kontrollit gjeti një sasi droge të dyshuar si kanabis.
Policia në njoftimin paraprak mbrëmjen e të premtes bëri me dije se kishte shoqëruar në Komisariatin e Policisë Elbasan për veprime të mëtejshme procedurale dy të rinjtë, Azem Hajdarin dhe shokun e tij.
Të rinjtë ishin duke udhëtuar me një mjet luksoz “Audi” në qytetin e Elbasanit, ku u ndaluan për një kontroll nga policia në aksin rrugor Elbasan-Metalurgji.
Njoftimi nga Policia Elbasan
Specilaistët për Hetimin e Narkotikëve dhe Trafiqeve të Paligjshme në DVP Elbasan, arrestuan në flagrancë shtetasit:
A.H., 23 vjeç, dhe E.Gj., 21 vjeç, banues në Tiranë, pasi në aksin rrugor Elbasan-Metalurgji, gjatë kontrollit të mjetit tip “Audi”, me të cilin po qarkullonin shërbimet e Policisë gjetën një sasi e vogël lënde narkotike e dyshuar e llojit cannabis sativa.
Në cilësin e provës materiale u sekuestrua lënda narkotike, dy aparate celular dhe automjeti.
Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme.
g.kosovari
