Italiania që lufton me ISIS
Italiania që lufton me ISIS, Maria Giulia Sergio iu bashkua militantëve të Shtetit Islamik në Siri në vitin 2014. Familja e saj ishte katolike dhe kur iu bashkua luftës në Siri, ndryshoi emrin në Fatima.
E njohur ndryshe edhe ‘Lady Jihad’, Fatima komunikonte vazhdimisht në Skype me familjen e saj që jeton në Itali. Ajo mundohej duke i bërë presion familjes së saj që të shkonin edhe ata në Siri. Mamaja e Fatimas kërkonte që të merrte me vete edhe kotelen, por vajza i thoshte që kjo nuk ishte e mundur. Nëse donte të shkonte në Siri, do të duhej që ta linte pas macen.
Por, e ëma tha se do të shkonte në Siri vetëm kur ISIS t’i garantonte se do t’i jepte asaj një lavatriçe. Të gjitha bisedat në Skype të Fatimas dhe familjes së saj përgjoheshin nga policia italiane, e cila i arrestoi të gjithë familjarët që ndodheshin në Itali, përveç Fatimas që ende vazhdon të jetë në Siri.
