Një parukier italian 50 vjeçar, ka qëlluar me pistoletë nga ballkoni i shtëpisë së tij drejt një grupi të rinjsh shqiptarë, të cilët po bisedonin me njëri-tjetrin në një park në Milano.
Njëri prej tre plumbave që qëlloi italiani, goditi në shpinë një të ri shqiptar 27 vjeçar.
Ai u dërgua menjëherë në spitalin San Rafaelo të Milanos dhe mësohet se është jashtë rrezikut për jetën. Sipas policisë italiane, personi që qëlloi me armë drejt të rinjve shqiptarë, ishte me precedent penal dhe në gjendje të dehur.
Gjatë momentit që policia hyri në banesën e tij dhe arrestoi 50 vjeçarin, ai nuk bëri rezistencë, e nuk dha asnjë shpjegim për gjestin e tij të çmendur. Në banesë ju gjetën armë të tjera dhe disa thika.
a.ç
