Alessio, një 64-vjeçar italian, i është drejtuar emisionit “Me zemër të hapur” të gazetares Evis Ahmeti për t’i bërë apel ish-gruas së tij shqiptare dhe dy djemve. Disa vite më parë, Alessio është transferuar në Shkodër për të krijuar familje me një vajzë të këtij qytetin. Nga kjo martesë lindën dy djem, të cilët tashmë janë të rritur.
Por disa vite pas martese, mes çiftit lindën edhe konfliktet e para, gjë që çoi edhe në divorcin mes tyre.
Pas kësaj, gruaja së bashku me dy djemtë niset drejt Italisë, ku tashmë jeton prej disa vitesh, ndërsa Alessio qëndroi në Shkodër.
Problemi për Alession qëndron në faktin se ai tashmë ka mbetur i pastrehë. Gjatë viteve të martesës me shkodranen, ata ndërtuan një shtëpi në truallin që ishte në pronësi të familjes së gruas.
Pavarësisht investimeve të mëdha që ai kishte bërë për këtë banesë, pas divorcit ai u detyrua të dalë jashtë saj, duke mbetur kështu i pastrehë.
Në studion e emisionit “Me zemër të hapur” ka kontaktuar edhe një e afërme e ish-gruas së Alessios, e cila ka shprehur qëndrimin e saj.
“S’e kam ndërmend me bë ballafaqim televiziv. Jemi ballafaquar në të gjitha dikasteret. Ia them edhe përballë, që ne nuk i kemi bërë asnjë dëm. Vetëm të mira ka patur prej familjes tonë”, thotë e afërmja e ish-gruas së Alessios në lidhje telefonike.bw
