Shqipëria është një pjesë e paprekur dhe e pashkelur në misterin kompleks të Europës. Kështu e nisin artikullin e disa ditëve në parë italianët e medias online Ticino-20minuti.
Për to, Shqipëria është e mbushur me peizazhe përrallash, pamje që të lënë pa frymë, kulturë të pasur dhe banorë jashtëzakonisht mikpritës.
“Për pranverën 2019 po planifikojmë një udhëtim në Shqipëri, të shoqëruar nga një ekspert, për të zbuluar qoshet ende të pashkelura të këtij vendi interesant”, shkruan Claudio Rossetti, autori i shkrimit.
“Shqipëria duhet të jetë në krye të listës së destinacioneve për ta vizituar për një eksperiencë autentike udhëtimi. Peizazhi i Shqipërisë është 70% territor malor, kështu që nëse e doni natyrën dhe ajrin e pastër, ajo duhet patjetër të jetë një nga destinacionet tuaja më të dëshiruara”- këshillojnë ata përmes këtij artikulli.
Një tipar tjetër dallues i këtij vendi është karakteri, theksojnë fqinjët tanë.
“Shqiptarët kanë një ndjenjë të madhe humori dhe një qëndrim të relaksuar: ndonjëherë, ky i fundit mund të bëjë një tendosje mbi durimin e udhëtarëve më entuziastë. Shqiptarët kujdesen shumë për traditat e tyre dhe është pak sikur vendi të ishte ndalur në kohë, duke frymëzuar për të jetuar dhe udhëtuar në një mënyrë të thjeshtë. Teknologjia shkon në sfond dhe udhëtimi këtu është një mundësi e shkëlqyer për të trajnuar, për të jetuar në momentin e tanishëm. Shqipëria mund të arrihet me avion në aeroportin e vetëm të vendit, që ndodhet në kryeqytet, Tiranë”- shkruhet në artikull.
Tirana, kryeqyteti aktiv i Shqipërisë ka një shkrirje kulturash sipas tyre, si dhe është një ndër vendet më interesante. Ka ndryshuar shumë që pas 1992, me rënien e regjimit komunist, duke u shndërruar kështu nga një qytet i fikur dhe i kufizuar, në një kryeqytet në ngjyra të ndritshme, me rrugët plot me bare dhe restorante dhe sheshe të reja publike të vendosura në çdo pjesë të qytetit.
Artikulli, përmes edhe qytetin bregdetar të Sarandës. Sipas italianëve, aty do të gjeni restorante të shkëlqyera të prodhimeve të detit, net energjike dhe atmosferë gëzimi.
“Në verë, Saranda gumëzhin nga të rinjtë dhe ofron një natë plot argëtim, me një natë që zgjat deri në dritën e parë të agimit. Saranda është gjithashtu një bazë ideale për eksplorimin e qyteteve dhe plazheve të tjera përgjatë Rivierës. Nga këtu, ju gjithashtu mund të merrni tragetin në Korfuz, një nga ishujt më të gjelbër dhe të dashur të Greqisë.
Shpesh, vizitorët që qëndrojnë në Korfuz vijnë këtu gjatë ditës për të zbuluar fqinjën shumë më të qetë dhe ekonomike se Greqinë, Shqipërinë. Gjatë qëndrimit në Sarandë, sigurohuni që të vizitoni “Syrin e Kaltër”, i vendosur vetëm 20 km larg. Është një burim me thellësi prej më shumë se 50 metra, por nuk ka matje të saktë, pasi zhytësit kanë arritur të zhyten deri në 50 metra thellë.”- përfundon artikulli./a.ç
