Jo më kot shqiptarët i njohin si “skifterët” në Itali! Dy italianë kanë zgjedhur të flasin me theks shqiptarë për të trembur një pensionist të cilit i hynë në banesë për ta grabitur dhe e kanë dhunuar që ky i fundit t’i tregonte se ku ndodhej kasaforta me para.
Të bindur se nëse do të flisnin shqip, pensionisti do t’i jepte paratë që kishte në shtëpi, dy italianët kanë mundur të vjedhin 400 euro dhe një makinë tip BMW.
Policia, e cila arrestoi dy autorët, mendoi se bëhej fjalë për shqiptarë, referuar dëshmisë së pensionistit 67-vjeçar Adriano Uboldi, i cili është shprehur se i ka dëgjuar të flasin shqip. Por në fakt, rezultoi se të arrestuarit ishin italianët.
Grabitja ka ndodhur në 19 janar në Fenegrò të Italisë, ndërsa dy autorët Alessandro Carminitana, 27 vjeç dhe Fabrizio Cerenza, 47 vjec janë vënë në pranga sot, raportojnë mediat italiane. Grabitësit rezultojnë me precedentë të mëparshëm penalë në përdorimin e drogës.
