Votuesit e shtatë rajoneve dhe më shumë se 700 komunave në Itali filluan sot zgjedhjet e pjesshme lokale që shihen si test për qeverinë e kryeministrit Matteo Renzi.
Qendrat e votimit u hapën në orën lokale 07:00 (05:00 GMT) dhe do të mbyllen në orën 23:00 (21:00 GMT).
Rezultatet do të bëhen të ditura nesër.
Rreth 20 milionë votues do të zgjedhin guvernatorët e shtatë rajoneve, nga 20 që janë gjithsej, të Venecias, Ligurias, Toskanës, Markes, Umbrias, Kampanjës dhe Pulias, në ndërkohë që do të zgjedhin edhe kryetarët e bashkive të Venecias, Mantovas dhe Agrixhentes.
