Italia ka nënshkruar një marrëveshje me Algjerinë për të rritur importet e gazit. Kryeministri italian, Mario Draghi, deklaroi se ky është një hap rëndësishëm për të reduktuar varësinë nga gazi rus.
“Menjëherë pas pushtimit të Ukrainës, unë njoftova se Italia do të lëvizte shpejt për të reduktuar varësinë e saj nga gazi rus. Marrëveshjet e sotme janë një përgjigje e parë ndaj këtij objektivi strategjik, ndërsa do të ketë edhe të tjera në ditët në vijim. Qeveria po punon për të mbrojtur qytetarët dhe bizneset nga pasojat e konfliktit.”
Sipas marrëveshjes Itali-Algjeri, qeveria italiane do të furnizohet me deri në 9 miliardë metra kub gaz shtesë nga Algjeria gjatë viteve 2023 dhe 2024. Draghi tha se Italia do të “ndiqte vendimet e Bashkimit Evropian” për sanksionet e reja kundër Rusisë, duke përfshirë një embargo të mundshme të gazit.
Ndërkohë, në një përpjekje për të bllokuar eksportet e Rusisë, presidenti i Shteteve të Bashkuara të Amerikës, Joe Biden ka zhvilluar një bisedë telefonike me kryeministrin indian Narendra Modi, ku ka nënvizuar se blerja e më shumë nafte nga Rusia nuk ishte në interesin e Indisë.
“JEN PSAKI
ZEDHENESJA E SHTEPISE SE BARDHE
Pozicioni i Indisë në botë nuk do të përmirësohej duke u mbështetur në burimet ruse të energjisë. President ja bëri të ditur se nuk është në të mirën e tyre të rrisin importet ruse.”
Shtetet e Bashkuara i kërkuan më shumë ndihmë Indisë për të dënuar Rusinë për sulmet në Ukrainë.
/a.r
