Italia duket të jetë një ndër vendet e NATO-s model për evakuimin e personelit të tyre si edhe të bashkëpunëtorëve afganë nga Kabuli.
Për disa ditë me radhë, avionët ushtarakë italianë u ulën dhe ngritën nga aeroporti i Kabulit të rrethuar nga talebanët duke transportuar personelin dhe bashkëpunëtorët e tyre, ndërsa ministri i Jashtëm Di Maio njoftoi se pasditen e sotme po kryhej edhe fluturimi i fundit.
Me këtë fluturim po kthehet në Itali edhe konsulli italian në Kabul Tomasso Claudi si edhe ambasadori Stefano Pontecorvo. Ata, bashkë me një numër të vogël të stafit ishin të fundit që u larguan nga Kabuli pasi kishin siguruar në ditët e mëparshme të gjithë personlin italian dhe bashkëpunëtorët e tyre afganë, shkruan abcnews.
Në lidhje me këtë ata u falenderuan publikisht edhe nga Di Maio, i cili tha se kishin bërë një punë të mrekullueshme.
g.kosovari
