Italia ka filluar përgatitjet për të përballuar një fluks të mundshëm emigrantësh në zonën e Pulias. Megjithëse Ministria e Brendshme dhe ajo e Mbrojtjes nuk e kanë konfirmuar zyrtarisht, duket se janë dërguar forca ushtarake dhe mjete shtesë në zonat e Brindisit dhe Barit.
Brigjet e Pulias do të mund të bëhen pika, ku mund të mbërrijnë – nëpërmjet Shqipërisë, – emigrantët sirianë të bllokuar në Serbi, Maqedoni apo Greqi pas mbylljes së kufijve veriorë.
Burime jozyrtare flasin për 150-200 mijë persona. Shqetësimi i autoriteteve italiane është aq i madh, saqë kjo çështje u diskutua edhe gjatë takimit mes kryeministrit italian, Mateo Renzi, dhe kryetarit të Komisionit Europian, Jean-Claude Juncker.
Për të mos krijuar alarm, ata nuk e theksuan këtë aspekt gjatë konferencës për shtyp, mbetet i madh shqetësimi i autoriteteve italiane, jo vetëm për menaxhimin e një fluksi të tillë, por edhe për mundësinë e infiltrimit të militantëve e terroristëve të ISIS-it.
![Irani vazhdon sulmet në vendet e Gjirit, vritet një grua në Bahrejn, Kuvajti dhe Arabia ]rrëzojnë 11 dronë dhe 1 raketë balistike](https://javanews.al/wp-content/uploads/2026/03/Erbil-Irak-120x86.png)
