ITALI – Gjykata e Katanias ka lehtësuar masën për Nezar Seitin nga “arrest me burg” në “arrest shtëpie”.
Lajmi i lirimit të Seitit konfirmohet nga avokati Detar Hysi. Nezar Seiti cilësohet si “financieri” i grupit të Habilajve.
Nezar Seiti u arrestua në Babicë dhe mbahej në burgun 313. Ekstradimi drejt Italisë është kërkuar nga vetë Seiti pasi nëpërmjet avokatit të tij, është shprehur se nuk beson tek drejtësia shqiptare.
Më herët, gjatë dëshmisë së tij, 40-vjeçari ka shpjeguar se me familjen Habilaj ka lidhje krushqie.
Ai u arrestua në datën 20 Tetor 2017 në Vlorë, gjatë një aksioni antidrogë ku në fshatin Babicë u sekuestruan rreth 4 ton kanabis.
Në 25 Janar 2018 Seiti u ekstradua në Itali.
a.ç
