Kryeminsitri Edi Rama ndodhet në Itali për të kujtuar eksodin e emigrimit të shqiptarëve. Kreu i qeverisë ka mbajtur fjalën e tij në cerenoninë kujtimore në Pulja me prezencë të ministrit të jashtëm italianë Luigi di Maio.
Rama u shpreh se Itali ishte dikur ëndërr për shqiptarët.
“Kur po shikoja ato pamje që i pamë më parë po mendoja se është gjithmonë e më e pabesueshme të përfytyrosh që ata njerëz ishim ne, jo ne shqiptarët, por ne shqiptarët që jetojmë në ditët e sotme sepse duket një histori që ka ndodhur mijëra vjet përpara, por në 30 vjet kanë ndryshuar shumë gjëra”, tha Rama.
Kreu i qeverisë kujtoi ndihmën që dha Italia për Shqipërinë në vitin 1996-1997, në kohën e skemave piramidale por edhe në dy vitet e fundit pas tërmetit tragjik të nëntorit. Kryeministri zbuloi ‘prapaskenat’ e ndihmës së Italise sidomos ne Bruksel kur Shqiperia kerkonte ndihme pas termetit tragjik.
“Piramidat, vendi iu afrua buzës së greminës me shumë të vdekur e plagosur, s’kishte më shtet, ligj, asgjë, rrugët ishin në duart e njerëzve që krijonin e ngrinin bandat e tyre.
Italia mbëriti me një operacion të madh ushtarak e me ndihmë të drejtpërdrejtë.
Romano Prodi qe nismëtari, që krijoi këtë ide, jo forcë ushtarake për të rivendosur rendin, por në një vend mik që të na ndihmomin të dilnim jashtë kësaj me ndihma në të gjitha drejtimet, ky cast qe kyc për Shqipërinë.
Pas tërmetit të tmerrshëm Italia ishte engjëlli mbrojtës i Shqipërisë, qoftë atëherë kur bëhej fjalë për të folur në selitë ndërkombëtare në Bruksel në mënyrë të vecantë e qoftë për të ndihmuar Shqipërinë. Edhe casti i tmerrshëm i tërmetit që na goditi ishte një cast tjetër mbrojtje i Italisë, që falë Luigit në radhë të parë që u përfshi personalisht në një mënyrë befasuese përtej solidaritetit, por solidariteti i një tjetri, një fqinji, të huaji u përfshi sikur po digjej Napoli e jo një vend tjetër nga ana tjetër e bregut”, deklaroi Rama.
g.kosovari
