Emigracioni duket se nuk është vetëm fenomen i vendeve të varfra ku sigurisht edhe Shqipëria bën pjesë. Edhe qytetarë nga vende të zhvilluara që njihen si shtete pritëse për emigrantë, kanë nisur shpërnguljen për një jetë më të mirë në vende të tjera. Italia është një prej shteve të BE që ka pritur mijëra emigrantë nga Lindja e Mesme dhe Afrika, pa harruar këtu Shqipërinë, por vetë italianët po largohen çdo vit e më shumë nga vendi i tyre. Dihet tashmë që vendi i apenineve prej vitesh është prekur nga kriza.
Për një sfidë, për karrierë apo për të garantuar të ardhmen e familjes, arsye të ndryshme renditen për faktin pse italianët emigrojnë. Në vitin 2016, plot 115 mijë shtetas italianë emigruan, një shifër kjo që duket mjaft e lartë për një vend të zhvilluar. Pak a shumë një qytet sa Viçenca është boshatisur nga emigracioni sipas statistikave. Ajo që bie në sy është emigrimi i personave mes 40 dhe 50-vjeçarë, numri i të cilëve është dyfishuar mes viteve 2008 dhe 2014.
“Emigracioni i ri i flokëve gri”, thuhet në studimin e kryer. Nëse të rinjtë detyrohen nga punëdhënësit, pikërisht emigrimi i kësaj grupmoshe bie në sy.
Autoritetet italiane janë të shqetësuar për një eksod ekspertësh. Londra, Berlini por edhe Kina e Amerika e Veriut janë destinacionet. Mjekët dhe inxhinerët italianë kanë gjetur parajsën në këto vende ku paguhen shumë më mirë./JavaNews/a.m.
