Autoritetet italiane janë të gatshme të miratojnë “modelin e Koresë së Jugut” për të luftuar koronavirusin.
Sipas gazetës “La Repubblica”, këto janë qindra dhe mijëra teste të dizajnuara për të zbuluar virusin te pacientët pa simptoma dhe lëvizjet e tyre.
Qëllimi është që të jemi në gjendje të monitorojmë të gjitha lëvizjet e tyre përmes një sistemi GPS për të siguruar që ata nuk janë në kontakt me njerëz të shëndetshëm.
Në Korenë e Jugut, këto teste u kryen kryesisht mbi shoferët, në një mënyrë të shpejtë dhe pa kontakte të rrezikshme me infermierët. Në disa raste, ekzaminimet individuale u kryen në shtëpi. Në total, virusi u zbulua në të paktën 250,000 njerëz.
Më pas, të gjithë pacientët u monitoruan përmes aplikimit elektronik dhe teknologjisë GPS, me monitorim të vazhdueshëm të lëvizjeve dhe kontakteve të tyre.
Arsyet janë dy: koreano jugorët ndoqën strategjinë e testimit masiv dhe kontrollit të lëvizjeve. Pas krizës së Mersi-t ( sindroma respiratore e Lindjes së Mesme) që patën në 2015-tën, drejtuesit në Korenë e Jugut nisën një proces reformash që detajoi kontrollin e shtetit dhe pasuroi ndjeshëm bazën e të dhënave.
Komentuesit italianë tregojnë se kjo “mbikëqyrje teknologjike” paraqet një problem në lidhje me mbrojtjen e të dhënave personale dhe privatësinë e qytetarëve, por shumica pretendojnë se shëndeti publik është para së gjithash tani.
Italia është zona e kuqe në Evropë dhe numri i viktimave ia ka tejkaluar edhe Kinës. Vetëm në 24 orët e fundit deri ditën e djeshme numri i viktimave arriti në 627.
g.kosovari
