Italia do t’i japë 1.6 milionë € familjes shqiptare
Ministria e Drejtësisë italiane është dënuar nga një gjykatë Apeli në Bolonja, që të paguajë 1.6 milionë euro ndaj një familjeje shqiptare. Ky dënim për Ministrinë e Drejtësisë vjen pas më datë 17 tetor 2007 në Regjio Emilia, dy pjesëtarë të një familje shqiptare u vranë brena në gjykatë.
Para 8 viteve, 40-vjeçari Çlirim Fejzo, hapi zjarr ndaj gruas së ndarë, Vjosa Demcolli, 37 vjeçe dhe ndaj vëllait të saj Arjan Demcolli, 32 vjeç gjatë seancës dëgjimore në gjykatë.
Mediat italiane shkruajnë se bashkëshortja e 40-vjeçarit, Vjosa Demcolli u largua nga shtëpia para se të kërkonte divorcin në gjykatë.
Në seancën gjyqësore ishin të pranishme edhe dy vajzat e Fejzos, 12 dhe 16 vjeç. Nga plumbat e një arme gjysmëautomatike, vëllai i Vjosa Demicollit mbeti i vdekur në vend, ndërsa ajo vetë ndërroi jetë në spital. Ndërkohë, 40-vjeçari plagosi dhe avokatin dhe një polic para se oficerët e policisë ta qëllonin për vdekje.
Gjykata e Apelit të Bolonjës dënoi Ministrinë e Drejtësisë pasi dështoi në marrjen e masave për garantimin e sigurisë në gjykatë.
