Listës së shteteve që kanë legalizuar kanabisin pritet t’i shtohet edhe fqinji ynë Italia. Sipas mediave italiane, ditën e djeshme, një grup prej 218 deputetësh kanë depozituar në Kuvend projektligjin për legalizimin e kanabisit në Itali.
I diskutuar prej shumë kohësh në Itali, tashmë duket se fqinji ynë po shkon drejt legalizimit të bimës narkotike. Por nuk bëhet për legalizim total, pasi ai do të jetë i kontrolluar në të gjitha etapat e tij.
Kështu sipas mediave italiane, grupi i deputetëve të Partisë Demokratike, Lëvizja me 5 Yje i kanë propozuar kuvendit ligjin që përcakton posedimin, shfrytëzimin, kultivimin dhe shitjen e mariuhanës me kushte të caktuara.
Sipas qeverisë ka ardhur koha që edhe Italia të njdekë shëmbullin e atyre shteteve që e lejuan përdorimin e mariuhanës. Sigurisht e gjitha kjo do të bëhet në bazë të një kontrrolli nga ana e shtetit, dhe duke iu përmbajtur rregullave të caktuara.
Kështu në projektligj është përcaktuar se personat mbi 18 vjeç u lejohet që të mbajnë deri në 15 gram kanabis sativa në shtëpi, dhe 5 gram jashtë shtëpisë. Ndërkohë që për minorenët do të jetë absolutisht e ndaluar përdorimi dhe mbajtja e tij.
Po ashtu bëhet e ditur se kultivimi i tij do të jetë i lejuar deri në 5 bimë për shtëpi, por duke njoftuar autoritetet e rendit. Edhe konsumimi i tij do të bëhet në zona të mirëpërcaktuara për të mos lehuar lejohet të pihet në ambiente të mbyllura apo edhe të hapura.
Sa i përket shitjes, ajo do të bëhet në mënyrë të kontrolluar nga vetë shteti dhe do të jetë kryesisht për efekte medicinale.
Sipas mediave italiane, kjo pritet të jetë diçka fitimprurëse për shtetin fqinj dhe pritet një rritje e ekonomisë së vendit. Prej kohësh edhe në vendin tonë është hapur diskutimi për legalizimin e kanabisit, por që ka hasur kundërshtinë e plotë të qeverisë shqiptare.
