Italia do të fillojë ditën e sotme përdorimin e vaksinës kundër Covid-19, vaksinë e cila është krijuar në vend i ka kaluar testet paraklinike dhe rezultatet e para kanë treguar një reagim të fortë imunitar.
Vaksina do të përdoret fillimisht ditën e sotme te 90 njerëz ka bërë të ditur Ndërmarrja bioteknologjike ReiThera. Mijëra njerëz i janë përgjigjur kërkesës për të qenë vullnetarë dhe më shumë se 5,000 vetëm javën e kaluar, por vetëm 90 njerëz janë përzgjedhur pët t’u nënshkruar testimeve që do kryen në Institutin Kombëtar të Sëmundjeve Infektive Lazzaro Spallanzani.
“Vaksina, e krijuar dhe zhvilluar në vend, i ka tejkaluar testet klinike dhe rezultatet e para treguan një reagim të fortë imunitar”, kanë thënë autoritetet e rajonit në Lazio.
Pesë vullnetarët që do të provojnë vaksinën, janë burra, midis moshës 31 dhe 46 vjeç, të cilët kaluan provimet paraprake mjekësore dhe vërtetuan përshtatshmërinë e tyre. Nëse nuk ka efekte anësore të dukshme, vaksina do të aplikohet në një dozë më të lartë për një grup të dytë vullnetarësh midis datave 7 dhe 9 shtator.
90 vullnetarët e zgjedhur ndahen në dy grupmosha, midis moshës 18 dhe 55 vjeç dhe një midis 65 dhe 85 vjeç, cdo grup ndahet në tre nëngrupe prej 15 personash, të cilëve do t’u jepet një dozë e ndryshme e vaksinës.
Gjatë “fazës 1″, secili vullnetar do të marrë një dozë të vaksinës dhe më pas do t’i nënshtrohet shtatë kontrolleve, dy prej të cilave do të jenë disa ditë pas vaksinës dhe e fundit pas 24 javësh. Nëse rezultatet e “fazës 1” janë pozitive, “faza 2” mund të fillojë në vjeshtë, me një numër më të madh vullnetarësh, në Itali dhe në vendet e tjera.
g.kosovari
