Qeni i cili mbante emri Ziggy ka ngordhur nga një mbidozë. Ai ishte duke luajtur në parkun e një lëndine të vogël në Piazza Vittorio Emanuele në Romë, kur ka nisur të gëlltisë një qese me heroinë të cilën e kishte gjetur në tokë e harruar ndoshta nga ndonjë konsumator apo tregtar.
Pas kësaj atij i nisën konvulsionet, të cilat vinin duke u rritur pas çdo minute që kalonte. Qeni i cili ishte vetëm 6 muajsh ngordhi gjatë natës në klinikën veterinare.
Sipas mjekëve ato shenja që paraqiti qeni mund të shkaktohen vetëm nga heroina. Pas kësaj ngjarje, shoqata i kërkoi administratës komunale që të ndërhyjë për të siguruar sigurinë në zonat publike të cilat janë mjaft të populluara për argëtim nga qytetarët, fëmijët dhe qentë! noa/a.k
