Ditën e djeshme, dy të rinj shqiptarë janë arrestuar nga policia italiane, në Gubbio. Si fillim kur policia i ngriti tabelën për të ndaluar, ndërsa ishin duke qarkulluar me një makinë ata shtuan shpejtësinë dhe më pas hodhën një kavanoz nga dritarja.
Megjithatë, brenda sekondave u bllokuan. Shqiptarët të dy 21-vjeçarë në fillim e justifikuan veten duke pretenduar se kishin shtuar shpejtësinë, por ata mbetën pa fjalë kur njëri nga dy karabinierët gjeti kavanozin e hedhur nga dritarja me 18 doza kokainë brenda.
Në atë moment policia ushtroi një kontroll ku në xhepin e njërit prej tyre u gjetën dhe sekuestruan 190 euro, ndërsa në shtëpinë e 21-vjeçarit tjetër u gjetën 2,800 euro, shkruajnë mediat fqinje.
Shumat e parave u sekuestruan të gjitha sepse konsiderohen të ardhura nga trafiku i drogës. Ndërkohë të dy shqiptarët u arrestuan, si dhe u gjobitën për të rregullave anti Covid. Panorama
