Një tjetër grua ka mbetur viktimë e dhunës së bashkëshortit të saj. Ngjarja ndodhi në Gradisca në veri-lindje të Italilsë, ku një grua shqiptare, rreth të tridhjetave është vrarë mëngjesin e sotëm nga bashkëshorti i saj.
Sipas mediave italiane, çifti, të dy me origjinë shqiptare, por me shtetësi italiane, prindër të një djali tetë vjeç, janë zënë fillimisht me njëri-tjetrin e më pas burri ka marrë një thikë nga kuzhina dhe e ka qëlluar në qafë.
Burri, identiteti i të cilit nuk bëhet i ditur kishte disa kohë që kishte humbur punën ndërsa ishte gruaja ajo që e mbante familjen. Në kohën që ka ndodhur krimi djali tetë vjeç ka qenë në dhomën e tij. Pasi ka qëlluar bashkëshorten ka qenë vetë autori i krimit i cili ka telefonuar policinë dhe i ka rrëfyer se kishte “vrarë gruan”.
