PAVIA, Itali/ Flet specialisti i coronavirus, në llogore kundër sëmundjes për 80 orë rresht: “Kam humbur llogarinë e kohës”. Raffaele Bruno, 54 në 29 Mars, është emblema e ndjenjës së përgjegjësisë për të gjithë mjekët dhe infermierët që kanë punuar me ditë të tëra pa u kthyer në shtëpi ose pa parë familjen e tyre.
Doktor Bruno kuron edhe Mattian, 38 vjeçarin nga Castiglione d’Adda, që është simboli i pacientëve që po përpiqen të mbijetojnë. Ai konsiderohet si pacienti “numër 1”, pra i sëmuri i parë me corona në Itali. Fati i këtyre pacientëve i ka bashkuar në Poliklinikën San Matteo në Pavia, djepin e Infektivologjisë Italiane.
Maskë mbrojtëse e fortifikuar, mbulesë e papërshkueshme nga ambjenti i jashtëm, çizme, kapelë, doreza, të gjitha të bëra me materiale të posaçme – kështu doktor Bruno largohet nga Reanimacioni, për të na dhënë disa përgjigje për situatën.
Si trajtohet Mattia?
«Nuk mund të flas për raste të veçanta. Por trajtimi i tij është i njëjtë si për të gjithë pacientët në gjendje serioze, të shtruar në shërbim intensiv ».
Çfarë lloj terapie po përdorni?
“Nuk ka asnjë një kurë specifike për coronavirusin, sepse është një virus i ri që befas kaloi nga kafsha te njeriu. Ne jemi duke përdorur terapi egzituese, në një mënyrë të arsyeshme».
Cilat janë ato?
Eshtë një koktej me ilaçe, ndër të cilat ekziston edhe një ilaç anti-HIV që nuk e përdornim më dhe tani e kemi rimarrë. Ne e administrojmë atë dy herë në ditë “.
Barnat e tjera?
“Po japim edhe Ribavirin, një antiviral i vjetër i përdorur për gripin, të cilin edhe ne e japim dy herë në ditë. Pastaj ka antibiotikë për të parandaluar infeksionet bakteriale që ne administrojmë katër herë në ditë.”
Pse një ilaç anti-HIV?
“Substanca aktive është Lopinavir, një antiretroviral që i përket klasës së frenuesve të proteazës, një enzimë e pranishme në HIV dhe Coronavirus.”
A ka statistika mbi shkallën e suksesit të këtyre ilaçeve?
“Për momentin ne duhet të jemi të kënaqur me rezultatet paraprake të cilat janë inkurajuese. Një statistikë afatgjatë është ende e pamundur. Këto janë trajtime që e kanë provuar veten e tyre si efektive në laborator. Dhe janë ilaçe që kanë përdorur tashmë edhe në Kinë dhe Kore ».
