Ka përfunduar në Milano terapia e parë gjenetike eksperimentale për trajtimin e një pacienti të prekur nga hemofilia A, deklaruan burimet.
Sipas tyre në spitalin Politeknik të Milanos, pacienti i parë u trajtua në fillim të muajit nëntor, dhe sot pas gati katër javësh nga infuzioni, ai është në gjendje të mirë shëndetësore dhe ka një jetë të rregullt.
Terapia do t’i mundësojë pacientit të shmangë infuzionet e shpeshta që duhej të merrte deri tani dhe të ketë një koagulim të barabartë gjaku me atë të çdo personi normal.
