Policia italiane ka bërë të mundur sekuestrimin e 20 kg lëndë narkotike e llojit kokainë e pastër si dhe ka arrestuar poseduesin e saj, një shtetas shqiptar.
Lajmi bëhet i ditur nga mediat italiane sipas të cilave në prangat e policisë ka rënë Indrit Taipi.
Sipas autoriteteve italiane, nga hetimet e kryera, trafikanti shqiptar është ndaluar në Breshia, ndërsa nga kontrolli i ushtruar në automjetin e tij i janë gjetur dhe sekuestruar 200 mijë euro.
Kjo ka bërë që autoritetet italiane të nisin kontrollet dhe në këtë kuadër autoritetet italiane kanë zbarkuar në një garazh në zonën e Breshias po në emer të shqiptarit.
Kontrollet në këtë garazh kanë zbuluar lëndën narkotike si dhe 3 pistoleta me silenciator dhe fishekë të kalibreve të ndryshme.
Sipas mediave italiane trafikanti shqiptar operonte në tregun e brendshëm ndërsa edhe kokaina do të përdorej për t’u shitur në Itali.
Redaksia Online
(Javanews.al)
