Policia e Italisë ka arrestuar në flagrancë tre shqiptarë, mes tyre edhe një femër, pasi gjatë kontrollit të ushtruar u janë zbuluar dhe sekuestruar në makinë rreth 20 kilogram hashash.
Ngjarja ka ndodhur në Verona, ku makina me të cilën transportonin drogën drejtohej nga një tjetër shqiptar, ndërkohë që dy të parët kanë thënë në polici se nuk kanë pasur dijeni për drogën në makinë.
Përgjegjësinë për hashashin në makinë e ka marrë shoferi shqiptar, ndërkohe që dy personat e tjerë, 28 dhe 26 vjeç po hetohen në gjendje të lirë.
Sipas asaj që bëhet e ditur nga mediat italiane ata kanë thënë se ishin në Verona për një vizitë në një qendër tregtare. Por policia italiane i ka zbuluar vajzës në xhep një shumë rreth 8 mijë euro.
Për këtë hetuesit dyshojnë se ishte një pjesë e shumës për të paguar drogën, por ajo është mbrojtur duke thënë se i duheshin për pazar.
