Një shqiptar ka përfunduar në burg në Varese të Italisë, pasi edhe pse ishte nën-arrest shtëpiak nuk e kishte ndaluar tregtinë e drogës. Shqiptari, i cili në letër ishte punëtor i thjeshtë, por në realitet i specializuar në shitjen e kokainës, prej kohësh ka qenë objekt hetimi për agjentët e seksionit të narkotikëve në Varese.
Atij iu dha dënim me arrest shtëpiak në gusht të vitit 2017, për posedim kokaine. Madje atij iu dha dhe leja që të punonte në kantieret e ndërtimit. Por ky nuk ishte pikërisht profesioni që shqiptari 35-vjeçari kryente gjatë orëve të punës. Policia arriti të zbulojë se gjatë orëve kur ky i fundit supozohej të largohej nga shtëpia për në punë, kryente aktivitetin e tij të paligjshëm. Por ishin pikërisht njohjet e vjetra me të cilët takohej dhe frekuentohej gjatë orëve të lirisë që e fundosën shqiptarin duke bërë që ndaj tij të merret masa arrest me burg.
