Koronavirusi i mori jetën një polici të burgjeve në Itali, në moshën 51-vjeçare.
Ministria e Drejtësisë duke dhënë lajmin deklaroi se, “Regjistrojmë për fat të keq viktimën e parë nga koronavirusi në radhët e policisë së burgjeve. Gianclaudio Nova na la në moshën 51-vjeçare. Familjes dhe të afërmve të tij iu shkojnë ngushëllimet më të ndjera”.
Nova rezultoi pozitiv ndaj Covid-19 të dielën e kaluar dhe këtë të enjte gjeti vdekjen.
Efektivi i ndjerë ishte nga Bergamo, i martuar dhe baba i një vajze 10-vjeçare.
Në Itali deri më tani numri total i të prekurve ka arritur në 41035, ndërsa i viktimave në 3405.
/a.r
