Nëse nuk do të ishte komunikuar nga Policia, padyshim që do të mendonim se ishte lajm i trilluar nga media.
Një përleshje për dashurinë do të mund të quhet ajo që ka ndodhur në Frignano të Italisë.
Mësohet se protagonist i kësaj ngjarje u bë Aleks Hoxha, banor në Acerra, i cili përfundoi mbrapa hekurave për tentativë vrasje si edhe për përndjekje.
‘Il mattino’ shkruan se 33-vjeçari shqiptar, u fut në shtëpinë e ish-gruas së tij, ndërsa aty gjeti të dashurin e saj të ri. Kur u përball me këtë skenë, nuk e ruajti dot qetësinë, ndërsa nxori nga xhepat e xhaketës një tufë me çelësa dhe qëlloi të dashurin e ish-bashkëjetueses, në sy të vajzës së tyre 4-vjeçare.
Ndërkohë, ndonëse shqiptari tentoi të largohej nga vendngjarja, u kap nga policia teksa hynte në makinë. Fill pas kësaj ngjarje, gruaja denoncoi në polici makthin që kishte kaluar nga shqiptari në 12 muajt e fundit.
Siç bëhet me dije, ajo kishte pohuar para karabinierëve se ishte kërcënuar dhe përndjekur çdo ditë nga Hoxha. Shqiptari tashmë ndodhet pas hekurave.(TemA)
