Një aeroplan mallrash doli sot nga pista e aeroportit të Bergamos ”Orio al Serio” në Italinë Veriore, përmes gardhit rrethues dhe përfundoi duke rrëshkitur në autostradë.
”Për fat të mirë nuk pati viktima”, u shprehën zyrtarët.
Aeroporti nga ku operojnë disa kompani ajrore me kosto të ulët, u mbyll për më shumë se dy orë si pasojë e aksidentit.
Autostrada provinciale ku avioni u aksidentua u mbyll për trafikun.
Autoriteti i Sigurisë Ajrore (ANSV) ka hapur një hetim.
ANSV-ja tha se “piloti dhe bashkëpiloti janë shëndoshë e mirë, ndërsa avioni, një 737-400, është dëmtuar seriozisht”.
Fluturimi erdhi nga aeroporti i Parisit “Charles De Gaulle”.
