Policia italianë ka arrestuar një shtetas shqiptar, i cili mendohet ishte një ndër shpërndarësit më të njohur të kokainës në zonën e Marottas.
Autoritetet italiane nuk e kanë zbuluar identitetin e shqiptarit, por raportohet se ai është 32 vjeç dhe banonte në Ponte Rio.
Ai kishte klientë të rregullt dhe mënyra sesi punonte nuk të linte të dyshonte se ai ishte një shpërndarës kokaine.
Nga hetimet e policisë italiane thuhet se më shumë se 30 persona ishin konsumatorë të rregullt të drogës që shpërndante shqiptari.
Në momentin e arrestimit atij iu sekuestrua 100 gram drogë.
Operacioni i arrestimit të shqiptarit, nga burimet e policisë italiane thuhet se ka qenë shumë i vështirë, pasi ai kishte krijuar një klientelë të besuar dhe asnjë nga konsumatorët e drogës nuk e shqiptonte emrin e tij.
Por pas një kohe të gjatë hetimi është bërë i mundur arrestimi i shqiptarit.
Express/d.i.
