Një 15-vjeçare italiane ka akuzuar një 17-vjeçar shqiptar për abuzim seksual.
Lajmi bëhet i ditur nga mediat italiane, ndërsa pas denoncimit të “viktimës” dhe miqve të saj, policia siguroi edhe video që konfirmonin episodin e rëndë.
Gjithçka ndodhi në pak sekonda. E mitura së bashku me bashkëmoshatarët e saj kishin vendosur të linin shkollën atë ditë dhe të shëtisnin nëpër qytet.
Dy shqiptarët e moshës 16 dhe 17 vjeç “ia vunë syrin” të miturave teksa po shëtisnin në Piazza Roma.
Mediat italiane shkruajnë se17-vjeçari shqiptar, i cili është arrestuar, kapi 15-vjeçaren, e përplasi në mur dhe e puthi pavarësisht refuzimit të saj.
Vajza ia doli të shpëtojë nga duart e tij dhe të telefonojë policinë. Policia konfirmoi ngjarjen e rëndë dhe vuri në pranga dy të miturit. SOT
