Një 23-vjeçar nga Shqipëria është gjetur i vdekur këtë të shtunë në banesën e tij në Itali. Sipas policisë italiane, 23-vjeçari L.B ishte në arrest shtëpie, pasi njihej si shpërndarës droge dhe akuzohej për përndjekjen e ish-të dashurës së tij.
Kanë qenë prindërit e 23-vjeçarit që kanë njoftuar policinë, pasi i kishin rënë derës dhe e kishin telefonuar, por 23-vjeçari nuk ishte përgjigjur. Karabinierët ndërhynë duke u futur me forcë në banesë, ku gjetën trupin e pajetë të 23-vjeçarit.
Mediat italiane shkruajnë se familja shqiptare jeton prej vitesh në Itali në provincën Bra në Cuneo. Nuk përjashtohet mundësia që 23-vjeçari shqiptar të jetë vrarë.
