Një 18-vjeçare shqiptare është shpallur në kërkim pasi prej 4 ditësh ka humbur kontaktet me familjen e saj. Shqiptarja quhet Lila Mile dhe prej vitesh jetonte në Fasano të Italisë bashkë me familjen e saj.
Më 10 tetor rreth orës 12:00, vajza e re ka dalë nga banesa e saj për të mos u kthyer më. Ajo ka marrë me vetë vetëm pasaportën dhe është larguar. Të shqetësuar, familjarët kanë kërkuar ndihmën e policisë dhe kanë bërë denoncimin përkatës në komisariat.
Ditën e fundit që ka dalë nga shtëpia mbante veshur pantallona të bardha, këmishë të kuqe dhe këpucë të zeza. Ajo ka flokë të gjatë ngjyre kafe, sy të errët dhe është e gjatë rreth 1.50 cm.
Vëllai i saj tregon se kur ka hyrë në prifilin e te motrës ka konstatuar se ajo kishte komunikuar për disa muaj me një djalë në Shqipëri, por familja nuk mendon se ajo mund të jetë larguar për të takuar atë.
“Ishte hera e parë që ajo largohet nga shtëpia – thotë Giorgio, vellai, – ajo nuk del kurrë vetëm, e bën gjithmonë me prindërit ose me vëllezërit. Nuk ka pasur ansjë problem asnjë grindje, vetëm atë ditë ishte pak e dëshpëruar pasi kishte bërë një vizitë mjekësore, por që nuk ishte asgjë shqetësuese”- thotë ai.
Vëllai tregon se herën e fundit, sipas dëshmive ata e kanë parë të hipte në një Peugeot gri 107. Familja kërkon ndihmë e po ashtu edhe polcia të kontaktojnë për këdo që ka informacione.
/a.r
