Në përfundim të një procesi 17-vjeçar, drejtësia italiane ka dalë me një vendim për një bandë të trafikut të drogës Shqipëri-Itali.
Mediat italiane raportojnë se gjykata e Napolit, pas vitesh të tëra procesi njoftoi së fundi masat e dënimet për 9 të pandehurit. Mes tyre edhe shqiptari Gëzim Salillari, që në Shqipëri njihet si “Gëzimi i Kashtës”, i cili u dënua me 11 vjet burg.
Në total u dënuan me 34 vjet burg katër persona, tre të tjerë janë liruar. Gjykata dënoi me 10 vjet italianin Ciro Ricciardi, 9 vjet burgim për Luigi Sanso; 4 vjet burgim dhe 20 mijë euro për Gaetano Spavone.
Pas procesit në shkallë të parë fitoi pafajësinë shqiptari Musa Murataj dhe italianët Claudio Effuso dhe Mario Maione.
Banda italo-shqiptare ishte në krye të trafikut të drogës nga Shqipëria në katër qytete italiane, Napoli, Bari, Frosinone dhe Siena.
