Shkrimtari i madh shqiptar Ismail Kadare është shtruar në njërin nga spitalet private të Tiranës, pas shqetësimeve në aparatin urinar. Mësohet se shtrimi është bërë nën masa të shtuara privatësie dhe vetë të afërmit e shkrimtarit nuk kanë preferuar të japin detaje për shëndetin e tij.
Burime të besueshme për Java thonë madje se ndaj tij do te kryhet një ndërhyrje kirurgjikale në prostatë neser, por kjo mbetet për t’u konfirmuar.
Ismail Kadare po qëndronte në Shqiperi për pushimet e verës, kur mësohet se ka pasur shqetësime të cilat kanë ardhur në rritje me kalimin e orëve. Mbetet të shpresohet që gjithçka të zgjidhet sa më shpejt dhe pa pasoja për ikonen 80 vjeçare te letrave shqipe./javanews
