Shkrimtari i mirënjohur Ismail Kadare nga Panairi i Librit ka dhënë një mesazh për lexuesit, teksa tha mes të tjerash që ata janë pjesa më e bukur e letërsisë.
Në fjalën e shkurtër të mbajtur para mediave, ai e ka nisur me batutë, duke shkaktuar të qeshura tek të pranishmit.
“Mirëdita. Vetëm një fjalë… hajde gjeje vetëm një fjalë, është shumë e vështirë, është e pamundur zoti botues. Ju përqafoj të gjithëve, lexuesit janë pjesa më e bukur e letërsisë, ne shkruajmë për ju, ne kemi mendjen tek ju, ne duam të dimë çfarë mendoni ju a na pëlqeni a s’na pëlqeni, apo thoni ‘mjaft se këtë që thotë ky e kemi dëgjuar njëherë’. Ju uroj gjithë të mirat”, u shpreh ai.
Prej 2018-ës kur erdhi me “Kur sunduesit grinden” nuk ka asnjë botim të ri. Në atë kohë u tha se mund të ishte libri i fundit i shkrimtarit, mirëpo po sot shkrimtari i kandiduar për ‘Nobel’ ka dhënë lajmin e mirë se po “diçka po shkruan”.
/s.f
