Shteti Islamik ka publikuar online një listë me 75 emra personeli ushtarak amerikan, ndër ta pilotë të dronëve, me thirrjen për t’i ekzekutuar atje ku ndodhen.
Në listë, përveç emrave janë edhe fotot dhe adresat e pilotëve, mes të cilëve ka edhe shumë gra.
E ashtuquajtura “hit list”, e publikuar nga Divizioni Informatik i Shtetit Islamik, përmban identitetet e atyre që kanë menaxhuar dronët në sulmet kundër bazave dhe anëtarëve të kalifatit në Siri dhe Irak.
Ajo shoqërohet me thirrjen, “goditini kudo që të ndodhen, trokisni në dyert e tyre dhe prejuani kokën, therini, qëllojini me plumb në kokë, ose hidhini në erë”.
Divizioni Informatik i ISIS pretendon gjithashtu se ka arritur të hartojë një listë falë shërbimeve të një “spiuni” në Ministrinë britanike të Mbrojtjes dhe kërcënon se do të publikojë lista të tjera në të ardhmen, ku do të jenë të identifikuar edhe operatorët britanikë të dronëve.
Informacionet e zbuluara për momentin nuk mund të identifikohen.
TCH/d.i.
