Ajo që përflitej prej kohësh tashmë është konfirmuar edhe nga vetë grupi terrorist ISIS. Lideri i Shtetit Islamik Abu Bakr Al-Bagdati ka ndërruar jetë.
Përmes një komunikate zyrtare të ISIS, konfirmohet se lideri i tyre nuk jeton më dhe së shpejti do të bëhet publik emri i liderit të ri.
Në komunikatë u bëhet thirrje luftëtarëve të vijojnë rezistencën e tyre.
Por pavarësisht këtij mesazhi, midis rreshtash kuptohen problemet e thalla që po kalon organizata, e cila duket tashmë mjaft e përçarë me vdekjen e liderit dhe humbjen e një prej bazave të saja, Mosulit.
Në kërkesën drejtuar luftëtarëve për të mbajtur fortesat theksohet se “ata nbuk duhen të përfshihen nga rebelimi”, që tregon se organizata ka probleme komplekse.
Po ashtu, bie në sy se njoftimi për vdekjen e Al-Bagdadit shoqërohet pa nekrologji,m siç ka ndodhur për rastet e vdekjes së liderëve edhe më të vegjël në hierarki. Njoftimi për vdekjen e tij ka shkaktuar zhurmë të madhe mes mbështetësve të ISIS shkruan TGcom.
Prej dy ditësh të gjithë flasin lirshëm në zonat e ISIS për vdekjen e Al-Bagdadit, gjë e cila ndalohej më parë. Ende nuk jepen të dhëna ndëkrohë për kohën se kur dhe si ka vdekur ish-kreu i ISIS.
/JavaNews/a.m.
