Rreth 400 persona, prej të cilëve shumica janë gra dhe fëmijë, janë masakruar nga militantët e ISIS në qytetin antik të Sirisë, Palmira.
Siç raporton Televizioni Publik i Sirisë, pak më herët, aktivistë të mediave sociale në Siri kanë raportuar se qindra trupa të vdekur gjendeshin në rrugët e qytetit, pak ditë pasi ISIS kishte marrë me forcë Palmirën.
Disa ditë me parë ISIS pushtoi qytetin që gjendet në zemër të Sirisë, afër 215 kilometra larg Damaskut.
Palmira është zonë nën përkujdesjen e UNESCO’s për trashëgimi, dhe konsiderohet të jetë një prej vendeve më të rëndësishme kulturore në Lindjen e Mesme.
Organizata për të Drejtat e Njeriut e OKB’së ka raportuar se një e treta popullsisë së qytetit, rreth 140,000 banorë kanë lënë qytetin, si pasojë e situatës së krijuar atje.
