Një 27-vjeçar shqiptar, që jetonte në Itali është arrestuar pasi ndaj tij ishin lëshuar dy urdhër arresti.
Në fakt, shqiptari ka vajtur vetë në polici për tu dorëzuar pasi me dy urdhër arreste që i ishin lëshuar ndaj tij, ai e kishte të pamundur që të shpëtonte pa u kapur.
Kleton Bici ishte shpallur në kërkim për trafik droge, dhe ndaj tij përveç një urdhër arresti lëshuar nga Gjykata e Cagliari, kishte edhe urdhër arresti ndërkombëtar lëshuar nga Drejtoria e Qarkut Anti-Mafia të Cagliari në muajin Maj të vitit 2016, në kuadër të hetimeve dhe operacionit të quajtur “Polo Est”.
Gjatë operacionit të fundit ishin kapur më shumë se tridhjetë persona të kombësisë italiane dhe shqiptare, por 27-vjeçari kishte mundur që ë arratisej.
Hetimet kishin zbuluar bandën e trafikut ndërkombëtar të heroinës dhe kokainës, e cila operon në Itali-Shqipëri-Holandë, duke sjellë edhe në sekuestrimin e 18 kilogramë kokainë, 4 kg heroinë, një armë Beretta e kalibrit 6.35, e cila rezultoi e vjedhur, rreth tridhjetë mijë euro dhe disa makina luksoze./express/a.k
