Yama Sharifi dhe Tom De Mul, menaxherët e De Ketelaere kanë zbuluar disa prapaskena të negociatave që ka çuar talentin belg te Milan-i, duke konfirmuar vështirësitë e mëdha që kanë patur.
“Pas takimit në Belgjikë, Milan dhe Brugge nuk donin të flisnin më, negociata dukej e dështuar, më pas kemi shkuar në Lugano dhe është zhbllokuar gjithçka”, kanë thënë menaxherët për Het Laatste Nieuws.
“Kontaktet e para mes Milan-it dhe Charels kanë filluar disa vite më parë. Ishin të sigurt se ishte një lojtar i mirë që atëherë, por në atë kohë i duhej një lojtar që ishte gati. Megjithatë, Maldini dhe Massara, na kanë pyetur për gjithçka rreth tij.
“West Ham, Arsenal, Newcastle, edhe Barcelona e donin. Blaugrana-t e kanë ndjekur për një kohë të gjatë, por nuk ishim të sigurt se ishte zgjedhja e duhur për të. Të paktën në atë moment”.
Dëshira e lojtarit për të luajtur te Milan-i: “Takimi në Lugano ka qenë vendimtar. Ishte sikur dy superfuqi të futbollit nuk arrinin më të komunikonin. Ka qenë një betejë.
“Bota e jashtme nuk e kupton sa e vështirë është, kështu që unë dhe Tom kemi bërë një strategji. Duhej të bënim gjithçka ishte e mundur për ta mbyllur operacionin. Ai ka qenë gjithmonë një profesionist. Vetëm një herë ka thënë se nuk donte të stërvitej.
“Nuk ndihej gati mendërisht për seancën stërvitore. Pas disa ditësh i kam thënë, ‘do të shkosh në milano? Atëherë prit gjashtë javë të vështira’.
“Zgjedhja e Leeds do të kishte qenë ajo më e lehta ndër të tjera: ishte ajo më fitimprurësja për Brugge, për Charles dhe për ne, por lojtari ka dashur gjithmonë Milan-in”.
g.kosovari
