Lindi si një histori e fuqishme dashurie që sfidoi moshën, pengesat dhe mosmiratimin e prindërve, por lidhja nga e cila lindën 3 fëmijë do të pësonte krisje të forta që pas 6 vitesh do ti çonin drejt dyerve të policisë dhe gjykatës. Kjo është historia e 36-vjeçarit nga një fshat i Lezhës, që është bërë sot pjesë e emisionit “Me zemër të hapur’ të gazetares Evis Ahmeti, i cili është në proces divorci me bashkëshorten e tij.
Për 36-vjeçarin kjo është një humbje e madhe, por edhe më e thellë bëhet kur mendon se mund të humbasë 3 fëmijët e tij. Ai është i shqetësuar për të ardhmen e tyre nëse gjykata vendos të rrinë me nënën, pasi kjo e fundit poston në rrjete sociale foto me armë dhe nuk është një model i mrië.
“Me bashkëshorten jam njohur me dashuri. Jetonim në një fshat. Megjithëse ajo ishte e fejuar ne vendosëm të vazhdojmë jetën bashkë. Më tha më kanë fejuar pa dëshirën time. Unë shkova të kërkoja dorën e saj para se të fejohej, por prindërit e saj nuk ma dhanë se kishin pretendime. Nuk më pranuan mua se isha 28 vite në atë kohë. Pavarësisht se u fejua ajo nuk u nda në asnjë moment nga unë. qëndroi 2 muaj fejuar dhe pastaj unë e rrëmbeva. Mora nënën e tij në telefon dhe i thashë ‘vajzën tënde e mora për nuse’. Familja ime më tha ‘bëj kujdes’, por ne e donim njëri-tjetrin. Edhe i fejuari nuk reagoi keq, tha vetëm ‘jetë të lumtur’ kaq! Nëse më ndjek sot i them “më ka pa Zoti se ajo më braktisi dhe më tradhtoi dhe mua”.
Momentet e para të lidhjes kanë qenë shumë të lumtura. Ajo ngeli shtatzënë. Shkuam në Gjermani dhe aty lindëm dhe vajzën. Më vonë ajo nisi të ketë probleme psikologjike. Kishte halucinacione, shkova në spital. Vijoi edhe më vonë të ishte agresive. Më vonë ne bëmë dhe 3 fëmijë të tjerë, mendova se qetësohej. Më 3 maj patëm një debat për një mesazh që ajo e fshiu pa e lexuar unë. Ajo s’ma lejoi ta lexoja dhe kjo më bëri të dyshoj. Ajo u bë keq, dhe unë telefonova prindërit e saj. Ata erdhën me polici dhe më akuzuan për dhunë. Mua me gruan me shoqëruan në polici. Më mbajtën 24 orë kur u ktheva në shtëpi nuk i gjeta fëmijët. Mi kishin marrë me polici dhe i kishin çuar tek shtëpia e vjehrrës. Më pas dola në gjyq se kjo kishte kërkuar urdhër-mbrojtje dhe thoshte se unë e dhunoja. Shkalla e parë i dha 1 vit urdhër mbrojtje asaj dhe fëmijët. Unë e apelova dhe ajo e rimori urdhrin e mbrojtjes ndërsa fëmijët jo. Jetuam një periudhë kohe të ndarë. Fëmijët rrinin sa tek ajo tek unë. Pas 11 muajsh ndërhyri një kushëriri ynë dhe ajo u kthye tek unë. Qëndroi 35 ditë me mua. Më provokonte të nervozohesha dhe donte të më regjistronte. Kuptova se donte të më burgoste. Martoi dhe vëllain shkuam bashkë në dasmë, shumë mirë. Pas 3 ditësh ajo iku dhe më braktisi mua dhe fëmijët. Na la të gjithëve në gjumë. Nuk pyeti për fëmijët fare për dy muaj. La të voglën me biberon në gojë. Ajo nuk është mirë psikologjikisht kur u nda nga unë shkroi letra ku thoshte se do të vriste veten. Ajo që më shqetëson mua është se ajo e familja e saj hedhin në rrjete sociale armë. Unë nuk kam fëmijë që të shkojnë ushtar në Ukrainë.”, tha ai.
Ndërkohë, në studio është bashkuar edhe ish-bashkëshortja përmes një telefonate. Ajo tha se ai e ka dhunuar.
“Kam jetuar rreth 8 vite më të, më ka dhunuar. Ai do të më marrë fëmijët. Unë skam probleme mendore se kam kaluar në duar të doktorëve e kam bërë teste se prej 6 muajsh kam nisur punë në ushtri. Ai më ka torturuar më ka dhunuar. Kur u ktheva skam fjetur me burrin por me fëmijët. Ai dhe familja e tij më thoshte pse ke ardhur. Fotot me armë është armë e vëllait është manovër vetëm për qejf. Ato foto kanë dy vite. Letrat e vetvrasjes i kam shkruar në një moment të vështirë. Me Markun nuk e shtyja dot më. Kuptoja që ai nuk më donte. Më shkruanin të dashurat e tij ‘lëre Markun’. Ndërsa familja ime nuk më mbështeste më thoshte që vetë je larguar. Ai vazhdon ende më dhunon, hap profile fals me fotot e mia dhe më fyen.”, tha ajo./m.j
