Policia e Durrësit ka arrestuar një 41-vjeçar, i cili është dënuar nga autoritetet italiane me 9 vjet e 3 muaj burg.
Sipas policisë në pranga ka rënë shtetasi Adrian Kacmoli, i cili është dënuar për “Shkelje të ligjit mbi narkotikët”, parashikuar nga Kodi Penal italian.
“Strukturat e Policisë Vendore Durrës, në vijim të punës për kapjen e personave të shpallur në kërkim ndërkombëtar, si rezultat i shkëmbimit të vazhdueshëm të informacioneve me ZKQ Interpol Tirana, në bazë dhe të informacioneve të siguruara në rrugë operative, kanë bërë të mundur lokalizimin dhe arrestimin provizor të shtetasit Adrian Kacmoli, 41 vjeç, banues në Durrës.
Ky shtetas ishte shpallur në kërkim nga Interpol Roma, pasi Gjykata e Venecias/Itali e ka dënuar me 9 vjet e 3 muaj burg, për veprën penale “Shkelje e ligjit mbi narkotikët”, parashikuar nga Kodi Penal italian”, sqaron policia.
Interpol Tirana, në bashkëpunim me Interpol Romën, vijojnë procedurat për ekstradimin e këtij shtetasi drejt Italisë.
g.kosovari
