Të gjithë personat që rezultojnë pozitivë pas ditës së pestë të karantinës mund të kthehen në punë.
Në udhëzuesin e ri të Institutit të Shëndetit Publik, të firmosur nga drejtoresha Eugena Tomini, drejtuar mjekëve të familjes, thuhet se në ditën e gjashtë, nuk ka më mundësi infektimi.
Megjithatë në rekomandim theksohet se personi duhet të mbajë maskë edhe për 5 ditë të tjera.
Ndërsa në rastin kur pozitiviteti i një personi zgjat më shumë se 10 ditë, maska nuk është e këshillueshme në ambiente të mbyllura pas kësaj periudhe.
Personat që bien në kontakt me një të infektuar dhe janë të vaksinuar, nuk do të bëjnë karantinë. Ata mund të vazhdojë aktivitetin e tyre në punë, por me maskë. Po ashtu dhe nuk është nevoja t’i nënshtrohet një testimi, përveç rasteve nëse personi i kontaktit shfaq shenja klinike.
Ata që bien në kontakt me një të infektuar dhe nuk janë të vaksinuar, duhet të kryejë 5 ditë karantinë.
Personat që e kalojnë Covid në fazë të rëndë izolimi do të jetë 20 ditë në karantinë, pasi sipas ISHP ata prodhojnë viruse që replikohen mbi 20 ditë.
/a.r
