Prej fillimit të vaksinimit në vendin tonë janë kryer në total mbi 2 milionë e 300 mijë doza të vaksinës anti-covid.
Sipas ISHP mbi 1 milion e 136 mijë janë doza të para, ndërsa qytetarë që i kanë marrë të dyja dozat e vaksinës janë mbi 1 milion deri më tani.
Që prej aplikimit të dozës përforcuese më 1 Nëntor janë kryer 140 mijë doza të tilla.
Vaksinimi ndaj Covid-19 është i hapur për të gjithë personat +16 vjeç si dhe fëmijët +12 vjeç me probleme të sistemit imunitar, në pikat e përqendruara te vaksinimit, në qendrat shëndetësore, si dhe poliklinika.
Ndërkohë më tani kanë mbërritur në vendin tonë mbi 2 milionë e 767 mijë vaksina anti-covid.
/a.r
